Toyota ka njoftuar tërheqjen nga tregu të rreth 508 mijë automjeteve Camry të viteve 2025–2026 për shkak të një defekti në panelin digjital të instrumenteve. Problemi, i lidhur me softuerin, mund të bëjë që paneli të mbetet i fikur, duke penguar drejtuesit të shohin shpejtësinë, sinjalizimin e kthesave dhe paralajmërimet e tjera të rëndësishme. Tërheqja prek modelet LE, SE dhe Nightshade, ndërsa versionet XLE dhe XSE nuk janë të përfshira pasi përdorin një ekran më të madh. Pronaret e automjeteve të prekura këshillohen të paraqiten në servis të autorizuar për përditësimin falas të softuerit, pasi mosfunksionimi i panelit mund të rrezikojë sigurinë gjatë drejtimit.