Guvernatori i Bankës Qendrore të Kosovës, Ahmet Ismaili, mori pjesë si panelist në Takimin Rajonal të Guvernatorëve të organizuar nga Banka Kombëtare e Kroacisë në Pula, ku u diskutuan temat kryesore të stabilitetit financiar, inflacionit, financave digjitale dhe sfidave rregullative. Ai prezantoi progresin e Kosovës në modernizimin e sistemit financiar, duke përmendur reformat për integrimin në SEPA, pagesat e menjëhershme dhe kornizën rregullative për shërbimet e pagesave dhe kripto-asetet. Ismaili theksoi rëndësinë e rolit të bankave qendrore si lehtësues të inovacionit digjital, duke garantuar stabilitetin financiar dhe mbrojtjen e konsumatorit në një mjedis gjithnjë e më të ndërlidhur dhe dixhitalizuar. Ai gjithashtu nënvizoi nevojën për bashkëpunim rajonal dhe përafrim me standardet evropiane për të rritur reziliencën dhe për të mbështetur rritjen e qëndrueshme ekonomike në rajon.