Në Kosovë është lansuar projekti pesëvjeçar “Transformimi i gjelbër i ndërmarrjeve private”, i financuar nga Zvicra dhe Suedia, që synon mbështetjen e bizneseve të vogla dhe të mesme në përshtatjen me standardet e qëndrueshmërisë dhe rritjen e konkurrueshmërisë në tregjet ndërkombëtare. Ky projekt thekson se tranzicioni i gjelbër nuk është vetëm një përgjegjësi mjedisore, por një domosdoshmëri ekonomike për bizneset që duan zhvillim të qëndrueshëm, inovacion dhe akses në tregjet evropiane.