Ministri i Ekologjisë, Muhamet Hoxha, njoftoi se po realizohen hapa konkretë për menaxhimin modern të mbeturinave, duke krijuar qendrat e para rajonale dhe duke furnizuar komunat me pajisje bashkëkohore. Në një panel-diskutim me temë sistemin rajonal të menaxhimit të mbeturinave si bazë për ekonominë qarkulluese, Hoxha theksoi rëndësinë e këtij transformimi për të kaluar nga trajtimi i mbeturinave si problem, në përdorimin e tyre si burim. Ai shtoi se ky proces përfshin investime të mëdha, mbështetje ndërkombëtare dhe kërkon koordinim të ngushtë me komunat dhe ngritje të vetëdijes publike. Ministri theksoi gjithashtu se ky është një angazhim për të ardhmen dhe ruajtjen e natyrës, duke synuar eliminimin e deponive ilegale dhe sistemin e vjetër të trajtimit të mbeturinave.