Kompanitë e licencuara të transportit në linjën Prizren – Prishtinë kanë shprehur shqetësim për shtimin e transportit ilegal të udhëtarëve, i cili po realizohet përmes aplikacioneve dhe personave pa autorizim. Ata theksojnë se ky fenomen po dëmton bizneset që operojnë ligjërisht dhe po krijon konkurrencë të padrejtë në treg. Transportuesit kërkojnë nga institucionet kompetente ndërhyrje urgjente për të ndaluar këtë aktivitet të paligjshëm, duke theksuar rrezikun që paraqet edhe për sigurinë e udhëtarëve. Në reagimin e tyre, ata bëjnë thirrje për vendosjen e rendit dhe ligjit në transportin publik në këtë linjë.