Në Prizren janë përuruar tri ndërtesa sociale shumëbanesore ku janë zbatuar masa të avancuara të efiçiencës së energjisë, duke përmirësuar kushtet e jetesës për 51 familje. Investimi prej rreth 460 mijë eurosh është mbështetur kryesisht nga Bashkimi Evropian me 90%, ndërsa 10% ka kontribuar Komuna e Prizrenit. Kryeministri në detyrë Albin Kurti theksoi se ky projekt ka ndikim të gjerë social, ekonomik, mjedisor dhe drejtësie, duke ulur faturat dhe ndotjen, si dhe duke rritur barazinë për familjet në nevojë. Ministrja në detyrë e Ekonomisë, Artane Rizvanolli, dhe përfaqësuesi i BE-së, Hubert Perr, nënvizuan rëndësinë e investimeve të mëdha në efiçiencë energjetike në gjithë Kosovën, ndërsa drejtuesit lokalë falënderuan donatorët dhe theksuan rolin e komunitetit në ruajtjen e këtyre investimeve.