Brenda këtij muaji do të hyjë në fuqi sistemi i tarifimit për kalimin në Tunelin e Llogarasë, duke i dhënë fund periudhës së përdorimit falas që ka zgjatur dy vite. Tarifat janë përcaktuar sipas kategorive të mjeteve, ku autoveturat do të paguajnë 250 lekë për një drejtim dhe 500 lekë vajtje-ardhje, ndërsa motoçikletat do të paguajnë 100 lekë. Për mjetet e tonazhit të rëndë tarifa shkon deri në 5000 lekë, ndërsa furgonët dhe autobusët do të paguajnë 1000 lekë. Aktualisht po kryhen testimet përfundimtare të sistemit të pagesave, duke përfshirë kamerat dhe sensorët elektronikë për të garantuar funksionimin e saktë.