UBT ka lansuar iniciativën ENGAGED SCHOLARSHIP, e cila ofron 20% bursë për profesionistët që dëshirojnë të ndjekin studimet Master në Menaxhment, Biznes dhe Ekonomi. Programi është i dizajnuar për të kombinuar përvojën praktike të profesionistëve me njohuritë akademike, duke i lejuar ata të avancojnë në karrierë pa u ndarë nga puna e tyre. Ligjëratat zhvillohen kryesisht në orët e pasdites, duke mundësuar që studimet dhe puna të ecin paralelisht. Kjo iniciativë synon të përgatisë profesionistë të gatshëm për role udhëheqëse në sektorë të ndryshëm, duke iu përgjigjur nevojave të tregut vendor dhe ndërkombëtar.