USA Today, në një raport special të bashkëpunimit me One World Media, ka përzgjedhur UBT-në si një nga institucionet kryesore që po kontribuon në transformimin e Kosovës në një ekonomi të bazuar në dije, inovacion dhe teknologji. Raporti e përshkruan UBT-në si “Silicon Valley of the Balkans” dhe thekson rolin e saj në ndërtimin e një ekosistemi të avancuar teknologjik, duke përgatitur profesionistë të rinj për tregun global. Prof. Dr. Edmond Hajrizi, themelues dhe rektor i UBT-së, thekson se sfida kryesore globale është mungesa e aftësive specifike dhe fleksibile, dhe se UBT harmonizon programet akademike me kërkesat reale të tregut të punës. Ky vlerësim i rëndësishëm nga një media amerikane konfirmon pozicionin e UBT-së si lider në arsimin e lartë dhe zhvillimin e kapitalit njerëzor, duke vendosur Kosovën në hartën globale të teknologjisë dhe ekonomisë së së ardhmes.