Universiteti i Biznesit dhe Teknologjisë (UBT) ka marrë akreditimin për disa programe të reja studimi që synojnë përgatitjen e profesionistëve për sfidat e së ardhmes. Midis tyre janë programet Fintech dhe Analitika e Biznesit, Fintech dhe Menaxhim i Inovacionit, Estetikë dhe Kozmetologji, si dhe Inxhinieri Mekanike me fokus në teknologjitë më të avancuara si robotika, automatizimi dhe teknologjitë e dronëve. Programet janë ndërtuar mbi një ekosistem modern që përfshin laboratorë të avancuar, qendra inovacioni dhe bashkëpunime ndërkombëtare, duke siguruar një përvojë të kombinuar teorike dhe praktike për studentët. Këto iniciativa synojnë të zhvillojnë kapitalin njerëzor dhe të përgatisin kuadro që do të udhëheqin zhvillimin ekonomik dhe teknologjik në nivel global.