Vendimi për tarifat e reja të energjisë elektrike në Kosovë nuk pritet të merret para datës 31 mars, edhe pse tarifat e reja duhej të hynin në fuqi nga 1 prilli. Zyra e Rregullatorit për Energji (ZRRE) është në procesin final të shqyrtimit të aplikimeve nga operatorët e licencuar, përfshirë KESCO, KEDS dhe KOSTT. Pas përfundimit të këtij shqyrtimi, ZRRE do të publikojë Raportin Konsultativ dhe do të hapë një periudhë konsultimi publik për të marrë komentet nga palët e interesuara. Më pas, do të mbahet mbledhja e Bordit të ZRRE-së për marrjen e vendimit përfundimtar lidhur me tarifat e reja, ndërsa data e mbledhjes do të njoftohet në kohën e duhur.