Deri më 1 korrik, vetëm 15 për qind e të punësuarve kanë përfituar pagën K-15, e cila përbën regresin për pushim vjetor. Pagesa neto mesatare e K-15 ka qenë 28.562 denarë, ndërsa minimalja e përcaktuar për sektorin privat është 19.567 denarë, që përfaqëson 40% të pagës neto mesatare për tre muajt e fundit. Në sektorin publik, kjo shumë është më e ulët, 13.560 denarë, ose 30% e pagës neto mesatare të vitit paraprak. Në disa degë, përmes marrëveshjeve kolektive, mund të dakordohen shuma më të larta, por pagesa e K-15 mbetet e kufizuar dhe e varur nga gjendja ekonomike e kompanive.