Në Kinë, tregu i veturave elektrike po përjeton një krizë të thellë për shkak të një cikli shumë të shpejtë të zhvillimit dhe zëvendësimit të modeleve. Shumë makina elektrike konsiderohen të vjetruara pas vetëm 3 vitesh, duke u shitur si “për hekur” për shkak të çmimeve shumë të ulëta dhe konkurrencës së ashpër mes mbi 140 markave. Ky ritëm i shpejtë ka krijuar “varreza makinash” dhe ka shkaktuar presion të madh mbi mjedisin dhe sistemet e riciklimit, të cilat nuk po arrijnë të përballojnë sasinë e madhe të automjeteve të braktisura. Ndërkohë, disa kompani kineze kanë falimentuar, duke shkaktuar humbje të vendeve të punës, ndërsa prodhuesit përpiqen të depërtojnë në tregjet evropiane me fitime më të larta.