Fillimi i vitit të ri shkollor sjell gëzim për nxënësit, por edhe shpenzime të konsiderueshme për prindërit. Për të lehtësuar këtë barrë financiare, VLEN ka propozuar rikthimin e “shportës shkollore”, që ofron zbritje deri në 15% për pajisjet bazë shkollore si çanta, fletore, lapsa dhe produkte të tjera të nevojshme. Këto zbritje do të jenë të shënuara qartë në dyqane dhe do të aplikohen direkt në arkë, duke u reflektuar në kuponin fiskal. Sipas VLEN, kjo masë është një përpjekje konkrete për të mbështetur familjet në periudha me nevoja të veçanta dhe për të investuar në të ardhmen e fëmijëve dhe të rinjve të vendit.