Wizz Air ka njoftuar zgjerimin e bazës së saj në Aeroportin Ndërkombëtar të Prishtinës duke shtuar një avion të dytë Airbus A321neo dhe duke hapur pesë linja të reja drejt Hamburgut, Frankfurt-Hahn, Malmö, Berlinit dhe Triestes, që do të fillojnë operimet në dhjetor të vitit 2026. Ky investim vjen vetëm pak javë pas hapjes së bazës së parë dhe do të rrisë rrjetin e kompanisë në Prishtinë në 15 linja që lidhin shtatë vende të ndryshme evropiane, duke ofruar më shumë mundësi udhëtimi dhe tarifa konkurruese. Përveç zgjerimit të fluturimeve, ky zhvillim do të krijojë rreth 80 vende të reja pune direkte për pilotët dhe ekuipazhin lokal, si dhe rreth 700 vende indirekte në ekonominë e gjerë. Përfaqësuesit e Wizz Air dhe Limak Kosova International Airport theksuan besimin e tyre në tregun e Prishtinës dhe angazhimin për të ofruar shërbime cilësore dhe lidhje të drejtpërdrejta me destinacione kryesore evropiane.