Shoqata e Qumështoreve të Kosovës ka kërkuar zbatim të plotë dhe pa përjashtime të vendimit të Inspektoratit për ndalimin e produkteve që përmbajnë vaj palme dhe qumësht pluhur. Megjithëse në rrjetet e marketeve është vërejtur përmirësim, produktet e ndaluara vazhdojnë të shiten në furra, restorante dhe subjekte të tjera të gastronomisë, duke krijuar shqetësim për sigurinë ushqimore dhe ekonominë lokale.