Shoqata e Naftëtarëve të Kosovës, pjesë e Odës Ekonomike të Kosovës, ka zgjedhur udhëheqjen e re me qëllim fuqizimin dhe zhvillimin e sektorit të derivateve në vend. Në krye të Shoqatës për pjesën e parë të mandatit është zgjedhur Zekim Istogu, përfaqësues i IP Petrol, i cili do të fokusohet në adresimin e sfidave të sektorit dhe përmirësimin e kushteve të biznesit. Prioritetet përfshijnë avancimin e bashkëpunimit ndërmjet kompanive, fuqizimin e dialogut institucional dhe mbrojtjen e interesave të bizneseve anëtare. Oda Ekonomike e Kosovës mbetet e përkushtuar në mbështetjen e sektorëve strategjikë dhe zhvillimin ekonomik të vendit përmes forcimit të komunitetit të biznesit.