Qeveria në detyrë e Kosovës ka miratuar marrëveshjen e grantit prej 17.2 milionë eurosh për zgjerimin e sistemit të ngrohjes qendrore në Prishtinë. Ky projekt i rëndësishëm infrastrukturor, i mbështetur nga Banka Evropiane për Investime dhe implementuar nga “Termokosi”, synon të përmirësojë cilësinë dhe sigurinë e furnizimit me ngrohje për qytetarët. Sipas ministrit në detyrë të Financave, Hekuran Murati, zgjerimi do të shtrihet në zona të reja dhe do të rrisë mbulueshmërinë për mbi 50% të kërkesës për ngrohje në kryeqytet. Projekti pritet gjithashtu të ndikojë në uljen e ndotjes së ajrit duke reduktuar përdorimin e energjisë elektrike dhe lëndëve djegëse të tjera për ngrohje.