Komuna e Prishtinës ka planifikuar të zgjerojë sheshin “Xhorxh Bush” deri te “Rrethi i Flamurit”, duke ndarë një buxhet prej 3.5 milionë eurosh për këtë projekt që pritet të përfundojë në vitin 2027. Ndërkohë, punimet për përfundimin e sheshit vazhdojnë, por qytetarët shprehin pakënaqësi dhe shqetësime lidhur me ndikimin në pamjen e qytetit dhe mungesën e rrugëve alternative për automjetet. Opozita në Kuvendin Komunal kërkon që para nisjes së projekteve të tilla të ofrohen zgjidhje të plota për trafikun, duke përfshirë rrugë alternative, autobusë të rinj dhe parkingje, për të shmangur përkeqësimin e situatës në qendër. Kryetari i komunës ende nuk ka dhënë sqarime për planet e reja, ndërsa punimet në shesh pritet të përfundojnë në nëntor.