Zyra e Rregullatorit për Energji (ZRRE) po monitoron me kujdes situatën lidhur me devijimet e mundshme në funksionimin e njehsorëve elektrikë, duke grumbulluar informacione për të siguruar një matje të drejtë dhe të saktë të konsumit të energjisë. ZRRE apelon që konsumatorët të raportojnë problemet fillimisht te KEDS për verifikim dhe inspektim të njehsorëve elektrikë. Në rast se konstatohet ndonjë gabim në funksionimin e pajisjeve matëse, do të ndërmerren masat e nevojshme në përputhje me legjislacionin dhe rregullat në fuqi. Përgjegjës për kalibrimin e njehsorëve është Agjencia e Metrologjisë së Kosovës, ndërsa ZRRE garanton mbrojtjen e të drejtave të konsumatorëve dhe funksionimin transparent të sektorit të energjisë.