Lidhja e Bizneseve të Kosovës së bashku me Shoqatën e Ndërtimtarëve dhe Shoqatën e Gurthyesve, Betonierave dhe Minierave kanë ngritur alarmin për pengesat që po has sektori i ndërtimit dhe industria nxjerrëse. Zvarritjet administrative, mungesa e koordinimit ndërinstitucional dhe pasiguria juridike po ndikojnë negativisht në investime, zhvillim ekonomik dhe ruajtjen e vendeve të punës. Bizneset theksojnë se këto probleme shkaktojnë rritje të kostove, vonesa në projekte dhe dobësim të konkurrueshmërisë së kompanive vendore, ndërsa importi i materialeve nga Serbia dhe tregje të tjera po rritet për shkak të pengesave administrative për prodhuesit vendorë.