Një studim i institutit Demografik ka analizuar pasojat e mundshme të nismës “Jo 10 milionëve”, që do të votohet në Zvicër më 14 qershor. Rezultatet tregojnë se nëse kjo nismë miratohet, furnizimi me fuqi punëtore do të bjerë ndjeshëm, duke shkaktuar mungesa të mëdha në tregun e punës. Në skenarin më optimist, mungesa do të arrijë në 87,000 punëtorë, ndërsa në skenarin më ekstrem, nevoja për vende pune të paplotësuara mund të shkojë deri në 245,000. Kjo situatë lidhet ngushtë me normat e ulëta të lindshmërisë dhe daljet në pension që vazhdojnë të jenë të larta në vend.