Lidhja e Bizneseve të Kosovës ka inauguruar zyrën e parë të diasporës në Gjenevë, duke shënuar një moment kyç për bashkëpunimin ekonomik me mërgatën shqiptare. Ceremonia u zhvillua me praninë e kryetarit Besart Dreshaj dhe nënkryetarit Hashim Deshishku, të cilët theksuan rëndësinë strategjike të këtij projekti për ekonominë e Kosovës. Zyra do të funksionojë si një pikë kontakti për lehtësimin e investimeve, krijimin e bashkëpunimeve ndërmjet bizneseve vendore dhe diasporës, si dhe promovimin e produkteve kosovare në tregjet ndërkombëtare. Në këtë iniciativë, një rol të veçantë ka pasur edhe Konsulli i Nderit të Maqedonisë së Veriut, Zaim Jashari, i cili ka mbështetur hapjen dhe funksionimin e zyrës me hapësirën e nevojshme.