Organizata Islamic Relief Kosova, në bashkëpunim me Qeverinë e Republikës së Kosovës dhe në kuadër të Masës 3.4, ka shpërndarë 1,400 pako ushqimore për familjet në nevojë në tetë komuna të vendit. Këto paketa janë dedikuar kryesisht familjeve me fëmijë jetimë dhe atyre që përballen me kushte të rënda ekonomike, duke synuar të ofrojnë mbështetje konkrete dhe lehtësim të nevojave bazë ushqimore. Komunat ku u shpërndanë ndihmat përfshijnë Podujevë, Drenas, Skenderaj, Gjilan, Prishtinë, Fushë Kosovë, Prizren dhe Mitrovicë. Kjo nismë përfaqëson një përpjekje të përbashkët për të ndihmuar familjet më të prekura nga vështirësitë ekonomike në Kosovë.