Në Bavari, një furrtar i njohur për shitjen e gjysmë bukëve u përball me një problem të pazakontë pasi një klient zbuloi se një gjysmë bukë ishte 10 gramë më e lehtë se sa duhej. Klienti e ankimoi rastin te autoritetet lokale për peshat dhe matjet, duke detyruar furrtarin Matthias Breitner të instalojë peshore të reja me kosto prej 15,000 eurosh për të përmbushur kërkesat ligjore. Për shkak të rregullave të rrepta gjermane dhe evropiane për produktet e parapaketuara, disa furra të tjera kanë ndaluar shitjen e gjysmë bukëve për të shmangur probleme të ngjashme. Historia ka marrë përmasa virale në Gjermani, duke treguar se edhe një diferencë e vogël në peshë mund të shkaktojë pasoja të mëdha financiare dhe burokratike.