Gjykata Themelore në Mitrovicë ka dënuar me 10 vjet burgim I.A., i shpallur fajtor për sulm seksual sipas Kodit Penal të Kosovës. Dënimi do të fillojë pas plotfuqishmërisë së aktgjykimit, ndërsa koha e kaluar në paraburgim nga 1 prilli 2026 do t’i llogaritet në këtë dënim. Përveç burgimit, I.A. do të ndalohet për pesë vjet ushtrimi i profesionit si nëpunës teknik dhe mbështetës në të gjitha shkollat e Kosovës. Masa e paraburgimit i është vazhduar deri në përfundimin e procesit gjyqësor, por jo më gjatë se dënimi i shqiptuar.