Ministria e Punëve të Brendshme zhvilloi më 25 prill një aksion të përforcuar në trafik në Shkup, ku u sanksionuan 105 shoferë për shkelje të ndryshme. Kontrollet u fokusuan në qendrat kryesore të qytetit si Qendra e Shkupit, Aerodrom, Bit Pazar dhe Çair, me theks të veçantë tek drejtuesit e motoçikletave dhe mjeteve të ngjashme. Ndër shkeljet më të shpeshta ishin ngasja pa helmetë (50 raste), drejtimi pa patentë (11 raste), mungesa e dokumentacionit dhe shkelje të tjera të ndryshme. Gjatë aksionit u sekuestrua edhe një motoçikletë e paregjistruar për më shumë se gjashtë muaj, ndërsa autoritetet paralajmërojnë se kontrollet do të vazhdojnë për të rritur sigurinë në trafik.