Janë kaluar 11 ditë që nga zhdukja e Eglant Koçit, ndërsa policia e Tiranës ende nuk ka gjetur asnjë gjurmë të tij. Hetuesit dyshojnë se 34-vjeçari është vrarë nga shoku i tij, Armando Shakaj, në një zyrë në Bulevardin “Zhan D’Ark”, dhe trupi është transportuar jashtë kryeqytetit, por vendndodhja mbetet e panjohur. Kërkimet janë përqendruar në zonat e Dajtit dhe fshatrat malorë të Elbasanit, ku po përdoren edhe qen të trajnuar nga Kosova, por deri tani nuk ka rezultate. Policia po vijon edhe me arrestimin e Armando Shakajt, ndërsa për të gjetur trupin po shfrytëzohet edhe pasioni i dyshuarit për garat off-road, duke kontrolluar lokacionet që ai ka vizituar mes Tiranës dhe Elbasanit.