Në 11 fshatra të komunës së Klinës do të ndërpritet furnizimi me ujë të pijes deri nesër në mesditë për shkak të punimeve të përgjithshme në rezervarin e Pograxhës. Fshatrat që do të mbeten pa ujë janë Pograxhë, Jashanicë, Shtupel, Kerrnicë, Dush, Gjurgjevik i Madh, Ujmire, Shtaricë, Siqevë, Dollc dhe Dresnik. Kompania Rajonale e Ujësjellësit “Hidrodrini” ka njoftuar se punimet kanë për qëllim pastrimin e rezervarit dhe kërkon mirëkuptimin e banorëve për shqetësimin e shkaktuar. Pritet që furnizimi me ujë të rifillojë menjëherë pas përfundimit të punimeve, që janë planifikuar të mbarojnë deri nesër në mesditë.