Një vajzë 12-vjeçare nga Podujeva është larguar nga shtëpia në orët e hershme të mëngjesit të 21 gushtit dhe prej atëherë është e zhdukur. E vetmja gjurmë që familja ka marrë është një mesazh në WhatsApp, ku vajza i ka shkruar babait se ndodhej në Ferizaj te një shoqe dhe se nuk do të kthehej për disa ditë. Babai nuk njeh vajzën e përmendur në mesazh dhe nuk di vendndodhjen e saktë të vajzës, ndaj ka njoftuar Policinë rreth një ore pas marrjes së mesazhit. Policia dhe Prokuroria për të Mitur janë angazhuar në kërkimin e saj, ndërsa familja shpreson që informacioni i fundit të çojë në gjetjen e vajzës së mitur.