Gjykata Themelore në Ferizaj ka dënuar me 12 vjet burgim Fadil Islamin për tentimvrasjen e katër pjesëtarëve të komuniteteve rom, ashkali dhe egjiptian, përfshirë dy fëmijë. Ngjarja ka ndodhur më 11 nëntor 2024, kur Islami ka sulmuar me thikë dy vajza të komunitetit ashkali dhe dy burra nga komunitetet egjiptian dhe rom, duke u shkaktuar lëndime të rënda dhe të lehta trupore. I akuzuari ka pranuar fajësinë dhe është penduar, por është konsideruar recidivist pasi kishte qenë i dënuar më parë për vepra të ndryshme penale, përfshirë edhe vrasje. Gjykata ka konfiskuar thikën si mjet të krimit dhe i ka ngarkuar Islami edhe shpenzimet e procedurës penale dhe kompensimin për viktimat.