Në 24 orët e fundit, policia në Maqedoni ka privuar nga liria 14 shoferë për shkelje të ndryshme të rregullave të qarkullimit rrugor. Shtatë prej tyre u kapën duke vozitur pa patentë shoferi në qytete të ndryshme si Shkupi, Rosomani, Kumanova dhe Kavadari. Pesë shoferë janë arrestuar për vozitje nën ndikimin e alkoolit në zona të ndryshme të vendit, ndërsa dy të tjerë për drejtim në sens të kundërt në rrugën Gostivar–Tetovë. Ministria e Punëve të Brendshme apelon për respektimin e rregullave të trafikut dhe paralajmëron se do të ngrihen kallëzime penale për të gjithë shkelësit.