Gjatë 24 orëve të fundit, Policia ka arrestuar 14 shoferë në të gjithë vendin për drejtim të pandërgjegjshëm të automjeteve. Nëntë prej tyre janë kapur duke vozitur pa patentë shoferi, dy nën ndikimin e alkoolit, ndërsa tre të tjerë kanë drejtuar automjet pavarësisht masave aktive ndaluese. Rastet janë regjistruar në qytete të ndryshme, përfshirë Prilepin, Shkupin, Kërçovën dhe Gjevgjelinë. Ministria e Punëve të Brendshme apelon për respektim të rregullave të trafikut dhe paralajmëron se pas dokumentimit të plotë do të ngrihen kallëzime penale për shkelësit.