Në 24 orët e fundit, Policia e Kosovës ka arrestuar 15 persona për drejtim të pakujdesshëm të automjeteve në mbarë vendin. Nga të arrestuarit, tetë kanë drejtuar pa patentë shoferi, përfshirë katër të mitur, ndërsa katër persona janë kapur duke vozitur nën ndikimin e alkoolit. Rastet përfshijnë edhe drejtimin e automjeteve pavarësisht ndalesës aktive për vozitje dhe kombinime të këtyre shkeljeve. Ministria e Punëve të Brendshme apelon për respektimin e rregullave të trafikut dhe paralajmëron masa të rrepta ndaj shkelësve.