Në 24 orët e fundit, Policia e Maqedonisë ka ndaluar 17 shoferë për vozitje të pakujdesshme, duke përfshirë 14 persona që drejtonin pa patentë shoferi, prej të cilëve pesë ishin të mitur. Tre shoferë u kapën duke drejtuar nën ndikimin e alkoolit, ndërsa disa prej tyre shkaktuan edhe dëme materiale në automjete të tjera. Rastet janë regjistruar në qytete të ndryshme si Shkupi, Tetova, Kumanova, Veles, Ohri dhe Prilepi, dhe pas dokumentimit do të parashtrohen kallëzime penale. Ministria e Punëve të Brendshme apelon për respektim të rregullave të komunikacionit dhe për një sjellje më të përgjegjshme në rrugë.