Policia e Kosovës në Rajonin e Ferizajt ka raportuar se gjatë periudhës 16–22 mars 2026 janë regjistruar 17 raste vjedhjesh, të shpërndara në disa komuna të rajonit, ku 12 prej tyre kanë ndodhur në Ferizaj, 2 në Shtime, 2 në Hani i Elezit dhe 1 në Shtërpcë. Gjithashtu, janë evidentuar 3 raste të dhunës në familje, nga një në Ferizaj, Shtime dhe Kaçanik. Gjatë kësaj jave janë arrestuar gjithsej 22 persona të kërkuar me urdhëresa nga gjykatat për vepra të ndryshme penale dhe kundërvajtëse. Policia ka bërë thirrje për bashkëpunim me qytetarët në parandalimin dhe luftimin e krimit, duke ofruar mundësinë e raportimit të rasteve në stacionet policore, përmes aplikacionit “Lajmëro Policinë” ose në numrat emergjentë të dedikuar.