Gjatë 24 orëve të fundit në Maqedoninë e Veriut janë regjistruar 17 zjarre në ambiente të hapura, prej të cilave 16 janë shuar plotësisht dhe një është vënë nën kontroll. Zjarri që vazhdon të jetë nën kontroll ndodhet në Komunën e Makedonski Brod, në zonën e fshatit Belicë, ku u përfshi një pyll me pisha dhe bimësi e ulët. Autoritetet kanë shuar zjarre në shumë komuna dhe fshatra të ndryshme, duke përfshirë Gjorçe Petrov, Veles, Negotinë, Bogdanci, Strumicë, Bosillovë, Vasilevë, Kriva Pallankë, Karbinc, Shtip, Berovë, Butel, Kumanovë, Brvenicë dhe Krivogashtan. Qendra për Menaxhim me Kriza apelon për kujdes të shtuar në hapësirat e hapura për të parandaluar zjarret e reja, ndërsa monitoron situatën në mënyrë të vazhdueshme.