Gjatë 24 orëve të fundit, policia ka privuar nga liria 18 shoferë në të gjithë territorin e shtetit për shkak të drejtimit të papërgjegjshëm të automjeteve. Nga këta, 17 drejtonin pa patentë shoferi, ndërsa njëri prej tyre, nga fshati Dulica, u kap duke drejtuar nën ndikimin e alkoolit dhe shkaktoi një aksident me dëme materiale. Rastet u regjistruan në qytete të ndryshme si Shkup, Prilep, Manastir, Koçan, Dellçevë, Kërçovë, Vallandovë, Gjevgelia, Veles, Negotinë dhe zona e Tetovës. Ministria e Punëve të Brendshme apelon për respektimin e rregullave të trafikut dhe paralajmëron kallëzime penale pas përfundimit të dokumentimit të rasteve.