Në 24 orët e fundit në Maqedoni janë ndaluar 18 shoferë për drejtim të pakujdesshëm të automjetit, ku 16 prej tyre kanë vozitur pa leje drejtimi, ndërsa dy me ndalim aktiv. Rastet janë regjistruar në qytete të ndryshme, përfshirë Shkupin, Gjevgjelinë, Kërçovën, Tetovën, Radovishin dhe Dibrën. Një shofer në Tetovë është kapur me 1.46 promilë alkool në gjak, ndërsa një tjetër në Shkup është gjetur me marihuanë. Ministria e Punëve të Brendshme apelon për respektimin e rregullave të trafikut dhe paralajmëron se do të ngrihen kallëzime penale ndaj të gjithë shkelësve për të siguruar një trafik më të sigurt.