Në përkujtimin e 19-vjetorit të vrasjes së policit Triumf Riza, babai i tij ka shprehur zhgënjimin e thellë për mos-përfundimin e procesit gjyqësor. Ai ka kritikuar ashpër sistemin e drejtësisë, duke theksuar se një pjesë e saj, që duhet të mbrojë qytetarët, ka shkelur rregullat dhe nuk ka vepruar në mënyrë të drejtë. Sipas tij, ende po gjykohet vetëm një nga anëtarët e grupit kriminal të njohur si “Sekiraqët”, i cili nuk ka marrë ende dënimin e merituar. Babai i Triumf Rizës shpreh pakënaqësi të madhe jo vetëm personale, por edhe të opinionit publik ndaj një sistemi që e konsideron të kalbur dhe të padrejtë.