Policia e Kosovës ka certifikuar 21 operatorë të rinj të Drejtorisë së Njësive për Ndërhyrje të Shpejtë, pas përfundimit të një trajnimi intensiv tetëjavor teorik dhe praktik. Ky program përgatitës ka fokusuar në zhvillimin e aftësive profesionale, fizike dhe taktike për të siguruar një reagim të shpejtë dhe efektiv në situata operative të ndryshme. Ceremonia e certifikimit u mbajt në Qendrën e Njësive Speciale “Enver Zymeri”, ku Drejtori i Përgjithshëm i Policisë së Kosovës, Kolonel Gazmend Hoxha, përgëzoi pjesëmarrësit për përkushtimin dhe suksesin e tyre. Ai theksoi rëndësinë e disiplinës, profesionalizmit dhe përgjegjësisë në detyrat policore, sidomos në operacionet që kërkojnë koordinim të lartë dhe veprim të shpejtë.