Gjatë 24 orëve të fundit, 22 shoferë janë privuar nga liria në të gjithë vendin për shkak të drejtimit të pakujdesshëm të automjeteve motorike, njofton Ministria e Punëve të Brendshme. Nga këta, 13 persona drejtonin automjet pa patentë shoferi, ndërsa disa të tjerë ishin nën ndikimin e alkoolit ose drejtonin automjete të paregjistruara. Rastet janë evidentuar në qytete të ndryshme si Shkup, Manastir, Vinicë, Kumanovë, Tetovë dhe vende të tjera, dhe ndaj shoferëve do të parashtrohen kallëzime penale pas dokumentimit të plotë. MPB bën apel për respektimin e rregullave të komunikacionit dhe përkushtim të përbashkët për sigurinë në rrugë.