Një 25-vjeçar nga Maqedonia e Veriut humbi jetën të premten e kaluar në Niederurnen, Zvicër, gjatë kryerjes së punimeve të pastrimit në një makinë prodhuese. Ai dyshohet të jetë kapur nga makina industriale, duke pësuar lëndime të rënda në kokë dhe pjesën e sipërme të trupit. Viktima u transportua me helikopter në spital, por nuk arriti t’i mbijetojë plagëve. Hetimet për zbardhjen e plotë të ngjarjes janë në zhvillim nga Prokuroria e Kantonit Glarus dhe Policia Kantonale, ndërsa në operacionin emergjent morën pjesë rreth 20 persona nga policia, shërbimi i emergjencës, zjarrfikësit dhe ekipet e shpëtimit.