Para 27 vjetësh, forcat serbe kryen një masakër brutale ndaj familjes Berisha në Suharekë, duke vrarë rreth 50 anëtarë të saj. Viktimat u qëlluan fillimisht me armë zjarri dhe më pas u transportuan në një kafiteri, ku u hodhën me bomba për t’u siguruar që askush të mos mbijetojë. Nga kjo tragjedi kanë shpëtuar vetëm tre anëtarë të familjes, të cilët arritën të ikin duke kërcyer nga një kamion në lëvizje gjatë transportit drejt Prizrenit. Në vitet e fundit janë gjetur dhe varrosur me nderime ushtarake disa eshtra të viktimave, por ende nuk janë gjetur të gjithë anëtarët e familjes Berisha.