Vlora Çitaku, Sekretarja e Përgjithshme dhe Nënkryetarja e PDK-së, ka kujtuar përvjetorin e 27-të të masakrës së Izbicës në Rezallë, ku humbën jetën 98 persona. Ajo theksoi se edhe pas kaq vitesh plagët mbeten të thella dhe dhimbja vazhdon të bartet brez pas brezi, duke u bërë një kujtim i përjetshëm. Çitaku përmendi veçanërisht nënën Havë, e cila kishte humbur burrin në këtë masakër dhe që për shumë vite ishte e pranishme në përkujtimore, por që tashmë ka ndërruar jetë. Në vend të saj, këtë vit ishin të pranishëm pasardhësit e saj, si një dëshmi se kujtesa dhe dhimbja nuk harrohen kurrë.