Gjatë 24 orëve të fundit janë regjistruar 27 zjarre në ajër të hapur, nga të cilat tetë mbeten ende aktive në zona të ndryshme si Resnjë, Saraj, Petrovec, Jegunovcë, Çashkë, Prilep dhe Bogovinë. Këto zjarre po prekin pyje të përziera dhe të ulëta, bimësi, deponi dhe zona pranë kazermave të Prilepit, duke kërkuar koordinim të vazhdueshëm dhe angazhim maksimal nga ekipet në terren. Ndërkohë, dy zjarre të mëdha janë vënë nën kontroll në rajonet midis Gostivarit dhe Makedonski Brodit, si dhe mbi fshatin Paligrad në Komunën e Studeniçanit. Autoritetet bëjnë apel për kujdes të shtuar dhe respektim të ndalimit të ndezjes së zjarreve në ambiente të hapura për të parandaluar përhapjen e tyre.