Një ngjarje e rëndë ka tronditur qytetin e Pejës, ku një i ri 28-vjeçar, Isa Nikçi, është gjetur pa shenja jete në rrethana që dyshohet të lidhen me vetëvrasje. Viktima u gjet gjatë ditës së sotme, ndërsa rrethanat e sakta të ngjarjes ende nuk janë bërë të ditura nga autoritetet. Në vendin e ngjarjes kanë intervenuar njësitë policore dhe ekipi mjekësor, ndërsa trupi i pajetë pritet të dërgohet për procedurat mjeko-ligjore. Hetimet janë në fazën fillestare dhe po shqyrtohet pista e vetëvrasjes, megjithëse kjo mbetet për t’u konfirmuar zyrtarisht nga organet kompetente.