Gjatë 24 orëve të fundit në territorin e vendit janë regjistruar 29 zjarre në ambiente të hapura, nga të cilat tre janë ende aktivë, një është nën kontroll dhe 25 janë shuar, njoftoi Qendra për Menaxhim me Kriza (QMK). Zjarret aktive ndodhen në komunat Studeniçan dhe Zelenikovë, ku po digjen pyje të përzier në zona si Morane, Vrtekica, Ramni Gaber dhe Paligradi, si dhe mbi fshatin Vrazhale. Një tjetër zjarr aktiv është në fshatin Tërnovë në Gostivar dhe mbi fshatin Nezhilovë në Komunën Çashkë, ku janë prekur pemë bredhi. Zjarri pranë fshatit Tajmishte në Kërçovë është vënë nën kontroll, ndërsa 25 zjarre të tjera janë shuar në vende të ndryshme të vendit, duke përfshirë Strumicën, Kumanovën, Gostivarin dhe zona të tjera.