Gjykata e Kasacionit në Itali ka konfirmuar dënimin me 30 vjet burg për shqiptaren Elona Kalesha, e cila u shpall fajtore për vrasjen e dyfishtë të prindërve të ish-të dashurit të saj në Firence. Viktimat, Teuta dhe Shpëtim Pasho, u zhdukën në nëntor 2015, ndërsa mbetjet e tyre u gjetën pesë vjet më vonë të copëtuara në katër valixhe të hedhura në një fushë pranë autostradës Firence-Piza-Livorno dhe burgut Sollicciano. Elona Kalesha deklaroi se i kishte vrarë vjehrrit për të mos i treguar djalit të tyre, i cili sapo kishte dalë nga burgu, për abortin që kishte bërë në tetor 2015. Në shkurt 2025, gjykata e apelit hodhi poshtë kërkesën për burgim të përjetshëm dhe për lirimin nga akuzat, duke mbështetur dënimin me 30 vjet burg të dhënë nga Gjykata e Krimeve të Rënda.