Gjatë muajit shkurt 2026, Policia Rajonale e Ferizajt ka shqiptuar 330 gjoba ndaj shoferëve që janë kapur duke përdorur telefonin gjatë ngasjes së automjetit. Përdorimi i telefonit gjatë vozitjes konsiderohet një nga shkaqet kryesore të aksidenteve rrugore dhe paraqet rrezik serioz për sigurinë e shoferëve dhe pjesëmarrësve të tjerë në komunikacion. Autoritetet policore kanë apeluar që të shmanget çdo formë shpërqendrimi gjatë drejtimit të automjetit, duke theksuar se edhe një sekondë pakujdesie mund të ketë pasoja të rënda për jetën dhe shëndetin e njerëzve. Qytetarët mund të raportojnë shkeljet e rregullave të trafikut drejtpërdrejt në stacionet policore, përmes aplikacionit “Lajmëro Policinë” ose në numrat e telefonit kujdestar, me garancinë e ruajtjes së konfidencialitetit të të dhënave.